ԱՄՆ-ի և Իսրայելի գործողությունները դուրս են միջազգային իրավունքի շրջանակից․ Մակրոնն ուղերձով դիմել է ֆրանսիացիներին
Իրանի դեմ իսրայելա-ամերիկյան ռազմական գործողության մեկնարկից և Թեհրանի հակահարվածից 4 օր անց Ֆրանցիայի նախագահ Էմանուել Մակրոնը դիմել է ֆրանսիացիներին. հաղորդում է Franceinfo-ն։
Ֆրանսիայի նախագահը հայտարարել է, որ իր հրամանով Միջերկրական ծով են ուղևորվել «Շառլ դը Գոլ» ավիակիրը և մեկ ֆրեգատ, որը կտեղակայվի Կիպրոսում՝ բացատրելով դա Ֆրանսիայի շահերը պաշտպանելու և տարածաշրջանի դաշնակիցներին աջակցելու անհրաժեշտությամբ։
Մակրոնի պնդմամբ՝ ստեղծված իրավիճակի հիմնական պատասխանատվությունը կրում է Իրանը։
«Իրանի Իսլամական Հանրապետությունն է, որ մշակել է վտանգավոր միջուկային ծրագիր ու ստեղծել բացառիկ բալիստիկ միջոցներ, նաև զինել ու ֆինանսավորել ահաբեկչական խմբավորումներ հարևան երկրներում», – հայտարարել է նախագահն իր ելույթի ժամանակ։
Չնայած դրան՝ նա նշել է, որ ԱՄՆ-ի և Իսրայելի գործողությունները «դուրս են միջազգային իրավունքի շրջանակից»։
