Այն, ինչ տեղի է ունենում Իրանում, ՀՀ պետական ինստիտուտների համար նորություն չէ․ Փաշինյանի ելույթը՝ կետերով
Որքա՞ն անլուրջ եք մոտեցել Արտաքին հետախուզական ծառայության զեկույցին, որ Իրան-Իսրայել-ԱՄՆ պատերազմի առաջին օրն անհոգ «պերաշկի» էիք ուտում ձեր քարոզարշավային ավտոբուսում․ ԱԺ-ում հարց ուղղվեց Նիկոլ Փաշինյանին։
«Այն, ինչ տեղի է ունենում Իրանում, եթե ձեզ համար նորություն է, ՀՀ պետական ինստիտուտների համար նորություն չէ։ Այս իրավիճակը տարիներով է զարգանում»,-պատասխանեց Փաշինյանը։
Փաշինյանի հայտարարությունները՝ կետերով․
- Երբ մեր «պերաշկի» ուտելու կադրերը տարածվեցին, մեր միջազգային շատ գործընկերներ որոշեցին գնալ ու ռեստորաններում հրապարակային ճաշել՝ ցույց տալու համար, որ իրենց քաղաքացիներն անհանգստանալու բան չունեն, իրավիճակը «կոնտրոլի» տակ է։
- Ասում են՝ ինչի՞ եք «պերաշկի» ուտում, բա պիտի բունկերներից վախենայի՞նք դուրս գալ, սենսացիա է սա։
- Մենք հրաժարվեցինք ձեր անվտանգության երաշխավորից, ու դարձանք պետություն, մենք այդ ընթացքում պետություն չէինք․ Փաշինյանը՝ ընդդիմությանը
- Եթե աշխարհի ու միջազգային հարաբերությունների վերաբերյալ պատկերացումները մնային այնպիսին, ինչպիսին էին 2018, 2019 կամ 2020 թվականներին, ապա Հայաստանն այսօր չէր կարող լինել։
- Մենք ցավում ենք Իրանում և շուրջը տեղի ունեցող իրադարձությունների համար։
- Քանի դեռ Հայաստանում կա կուսակցություն, որը զենքի վրա է երդում տալիս, մեր հասարակությունում հանցավոր բարքեր լինելու են։ Մեր քաղաքական ռազմավարությունն է, որ ձեր կուսակցության նման կուսակցություններ չլինեն որպես հանցավորության դեմ պայքարի ռազմավարության մաս․ Փաշինյանը՝ Դաշնակցությանը։
