Ինչի՞ մասին չի կարելի խոսել Ցեղասպանության թանգարանում
Պետական պաշտոնյան չպետք է շեղվի արտաքին պետական քաղաքականությունից․ կարծում է Ցեղասպանության թանգարան-ինստիտուտի տնօրենի պաշտոնակատար Հրաչյա Թաշչյանը։ Այդպես է նա մեկնաբանում Էդիտա Գզոյանին տնօրենի պաշտոնից ազատելու պատճառներին։
ԿԳՄՍ նախարար Ժաննա Անդրեասյանն էլ վերահաստատել է՝ նախկին տնօրենը պաշտոնից ազատվել է պետական քաղաքականությունից շեղվելու պատճառով։ Նրա խոսքով՝ Գզոյանին պաշտոնում վերականգնելու հարց օրակարգում չկա։
Ինքը՝ Հրաչյա Թաշչյանը, ասում է՝ մտադիր չէ շեղվել կառավարության որդեգրած քաղաքականությունից, սակայն այստեղ առաջանում է հարց․ ի՞նչ պետական քաղաքականության մասին է խոսքը։ Ե՞րբ է Հայաստանի արտաքին քաղաքական օրակարգից դուրս մնացել Հայոց ցեղասպանության միջազգային ճանաչման հարցը։
