Բաքուն ակնկալում է, որ Իրանը համապարփակ հետաքննություն կանցկացնի Նախիջևանում ԱԹՍ-ների հարվածի վերաբերյալ. Բայրամով
Ադրբեջանը հույս ունի, որ Իրանը կկատարի Նախիջևանում անօդաչու թռչող սարքի հարվածի համապարփակ հետաքննության վերաբերյալ իր խոստումները և կձեռնարկի անհրաժեշտ միջոցներ՝ ապագայում նմանատիպ միջադեպերը կանխելու համար։
Այս մասին հայտարարել է Ադրբեջանի արտաքին գործերի նախարար Ջեյհուն Բայրամովը՝ Սաուդյան Արաբիայի մայրաքաղաք Ռիադում կայացած արտաքին գործերի նախարարների խորհրդակցական հանդիպման ժամանակ։
Բայրամովը հանդիպման մասնակիցներին հիշեցրել է, որ մարտի 5-ին Իրանից թռչող անօդաչու սարքերը հարվածել են Նախիջևանի Ինքնավար Հանրապետության ենթակառուցվածքներին։ Արդյունքում՝ վիրավորվել է չորս քաղաքացիական անձ, և զգալի վնաս է հասցվել կարևորագույն ենթակառուցվածքներին, այդ թվում՝ Նախիջևանի միջազգային օդանավակայանին։
Նախարարը ընդգծել է, որ Ադրբեջանն արագ և վճռականորեն արձագանքել է միջադեպին՝ վերահաստատելով իր հանձնառությունը՝ պաշտպանելու իր քաղաքացիների ինքնիշխանությունը, տարածքային ամբողջականությունը և անվտանգությունը բոլոր օրինական միջոցներով։
«Ադրբեջանը ակնկալում է, որ կկատարվեն իրանական կողմի երաշխիքները միջադեպի համապարփակ հետաքննության վերաբերյալ, և որ կձեռնարկվեն անհրաժեշտ միջոցներ՝ ապագայում նմանատիպ միջադեպերը կանխելու համար», – հավելել է նախարարը։
