Ֆիդանը և Բայրամովը քննարկել են տարածաշրջանում անվտանգության իրավիճակը և վերջին զարգացումները

Ադրբեջանի արտաքին գործերի նախարար Ջեյհուն Բայրամովը Սաուդյան Արաբիա կատարած աշխատանքային այցի շրջանակներում հանդիպել է իր թուրք գործընկեր Հաքան Ֆիդանին։

Հանդիպման ընթացքում կողմերը մտքեր են փոխանակել տարածաշրջանում անվտանգության իրավիճակի և վերջին զարգացումների վերաբերյալ։

Նախարարները ընդգծել են տարածաշրջանային կայունության պահպանման, լարվածության սրման կանխարգելման, միջազգային իրավունքի նորմերի և սկզբունքների, այդ թվում՝ պետությունների ինքնիշխանության և տարածքային ամբողջականության պահպանման կարևորությունը։

Կողմերն ընդգծել են առկա մարտահրավերներին ի պատասխան համատեղ և համակարգված գործողությունների կարևորությունը։