Չնայած սա Իսրայելի պատերազմն է, ամբողջ աշխարհն է վճարում դրա համար․ Էրդողան
Մենք չենք ուզում, որ այս պատերազմը վերաճի տարածաշրջանի երկրների միջև հյուծման պատերազմի․ հայտարարել է Թուրքիայի նախագահ Ռեջեփ Թայիփ Էրդողանը։
«Չնայած սա Իսրայելի պատերազմն է, ամբողջ աշխարհն է վճարում դրա համար»,- ասել է նա՝ հավելելով, որ այս պատերազմը Նեթանյահուի քաղաքական գոյատևման համար է, բայց դրա հետևանքով տառապում է 8 միլիարդ մարդ։
Նրա խոսքով՝ Նեթանյահուի գլխավորած կոտորածների ցանցը պետք է անհապաղ կանգնեցվի՝ հանուն տարածաշրջանային խաղաղության և մարդկության։
«Յուրաքանչյուր երկիր պետք է համարձակ և ակտիվ դիրքորոշում զբաղեցնի այս հարցում։ Անթույլատրելի է, որ Իսրայելի անզիջում, մաքսիմալիստական և արմատական դիրքորոշումը խաթարի դիվանագիտական լուծումները»,- ասել է Թուրքիայի նախագահը։
