Հայաստանը խնդրում է Վրաստանին տեղափոխել գազատարը

Հայաստանը խնդրում է Վրաստանին տեղափոխել գազատարը․ այս մասին հայտնում է Sputnik գործակալության վրացական ծառայությունը։

Գազատարի 5.5 կիլոմետրանոց հատվածը մի քանի կիլոմետրով կտեղափոխվի և կմիացվի Հայաստանի կառուցած նոր հատվածին։ Համապատասխան դիմումն արդեն ներկայացվել է Վրաստանի բնական պաշարների նախարարության շրջակա միջավայրի վերահսկողության վարչություն։

Վրաստանից եկող գազատարը Հայաստան բնական գազի մատակարարման հիմնական ուղիներից մեկն է։ Հայաստանը գազ է ստանում Ռուսաստանից՝ Վրաստանի տարանցիկ ենթակառուցվածքների միջոցով։