Պաշտոնական այցով Երևան կժամանի Ղազախստանի նախագահը

Ղազախստանի նախագահ Կասիմ–ժոմարտ Տոկաևը ապրիլի 15-ին մեկօրյա պաշտոնական այցով կժամանի Հայաստան․ այս մասին հայտնում է Tengrinews.kz լրատվական գործակալությունը՝ վկայակոչելով Ղազախստանի նախագահի վարչակազմի մամուլի ծառայությանը։

Նշվում է, որ այցի ընթացքում Տոկաևը բանակցություններ կվարի Նիկոլ Փաշինյանի և Վահագն Խաչատուրյանի հետ:

Սա Տոկաևի առաջին պաշտոնական այցն է Հայաստան երկկողմ մակարդակով։

Հիշեցնենք, որ օրեր առաջ Երևանում տեղի ունեցավ հայ-ղազախական գործարար համաժողով: