Այո, երեք հոգի մանդատը վայր դրեցին, որ աջակցեն ընկերոջը՝ Լևոն
Քոչարյանին. ԱԺ-ում լրագրողների հետ զրույցում ասել է «Հայաստան» խմբակցության պատգամավոր
Գեղամ Նազարյանը՝ անդրադառնալով ընտրացուցակում Լևոն Քոչարյանին նախորդած 3 անձանց՝
պատգամավորական մանդատից հրաժարվելուն։
«Նրանք գտան, որ Լևոն Քոչարյանի՝ ԱԺ-ում լինելն ավելի ճիշտ է հիմա»,-
ասել է նա։
Դիտարկմանը՝ չե՞ն կարծում, որ դատախազը Լևոն Քոչարյանին կալանավորելու
միջնորդություն կներկայացնի, Նազարյանը նշեց. «Չեմ կարծում, որ սա այն գործն է, որ
դատախազն այնքան անլրջանա և իր հեղինակության հետ խաղա և մտնի ԱԺ Լևոն Քոչարյանին ազատազրկելու
միջնորդությամբ»։
