Դեմ ենք Ադրբեջանին հող վաճառելուն և հրաժարվում ենք փոխհատուցումից․ կիրանցեցիները ստորագրահավաք են սկսել
Կիրանցեցիները ստորագրահավաք են սկսել՝ տեղեկացնելով, որ դեմ են գյուղից տարածքներ զիջելուն և հրաժարվում են փոխհատուցումից։
«Համաձայն չենք այս անօրինական սահմանազատման հետ, որի հետևանքով Ադրբեջանին են անցնում ՀՀ պետական տարածքներ՝ կիրանցեցիների սեփական հողամասեր և շինություններ։ Կառավարությունը սկսել է փոխհատուցումներ հատկացնել հողամասերի և շինությունների համար։ Այս գործողությունը դիտում ենք ՀՀ տարածքի ապօրինի օտարում և Ադրբեջանին հողի վաճառք։ Սա պետական դավաճանություն է, ուստի՝ ներքո ստորագրյալներս, ընտանիքի անդամներով հանդերձ, հրաժարվում ենք ցանկացած փոխհատուցումից»,-ասված է հայտարարության տեքստում, որն ստորագրել է Կիրանցի 31 բնակիչ։
