ՌԴ ԱԳՆ ներկայացուցիչ Մարիա Զախարովան ցավակցություն է հայտնել ՀՀ-ում ջրհեղեղի կապակցությամբ։ «Մենք անկեղծորեն ցավակցում ենք եղբայրական հայ ժողովրդին հանրապետությանը պատուհասած տարերային աղետի կապակցությամբ, իսկ տուժածներին մաղթում ենք շուտափույթ ապաքինում», – գրել է Զախարովան։
Նրա խոսքով՝ անհրաժեշտության դեպքում մարդասիրական արձագանքման ռուս-հայկական կենտրոնը պատրաստ է լրացուցիչ ուժեր և ռեսուրսներ ներգրավել, ինչպես նաև մարդասիրական օգնություն ցուցաբերել տուժած բնակչությանը։
