Վեհափառի մուտքը Սարդարապատ խոչընդոտելը ոչ միայն իրավական, այլև բարոյական սահմաններից դուրս էր. Սերժ Սարգսյան
«Որակում տալու որևէ անհրաժեշտություն չկա,որովհետև մեր հասարակությունը տեսնում է այդ ամենը, եթե պատճառների մասին եք հարցնում, ապա այդպիսի հրամաններն տվողներն ու կատարողները, վստահ եմ, իրենք ունեն անհամաչափ արտաքին աջակցությունը, դրա համար էլ անհամաչափ գործողությունների են դիմում: Ինչ վերաբերում է Վեհափառ հայրապետի մուտքը խոչնդոտելուն, դա արդեն իրավական նորմերից դուրս է, դուրս է նաև բարոյական սահմաններից»,-ասել է Սերժ Սարգսյանը:
Անդրադառնալով «Տավուշը հանուն Հայրենիքի» շարժմանը՝ երրորդ նախագահը հորդորեց կանխատեսումներով չզբաղվել՝ արդյոք պայքարը հաջողություն կգրանցի, թե ոչ։
«Չեմ կարծում, որ պայքարը դեպի նվազում է գնում: Ենթադրենք, որ հնարավոր չէ կանխել, ուրեմն ի՞նչ եք առաջարկում, ընդհանրապես դադարեցնե՞լ պայքարը: Ես այլ ճանապարհ չեմ տեսնում: Ակցիա իրականացնողները ստորագրողների ձեռքից բռնելու հնարավորություն չունեն: Այդ ակցիաները նրա համար են, որ ստորագրողներն այլև այդ իրավունքը չունենան»,- ասել է Սարգսյանը:
Նրա խոսքով, ինքն ասել և այժմ էլ ասում է, որ ոչ միայն ինքը, այլև կուսակցությունն ու համակիրները աջակցում են այն թեկնածուին, ում առաջադրել է Բագրատ Սրբազանը:
«Ինքն իրեն է առաջադրել, ուրեմն հենց իրեն էլ աջակցում ենք»,-ասել է ՀՀ երրորդ նախագահը։
