Հայաստանի Հանրապետությունում քաղաքական ու հոգեբարոյական ճգնաժամ է։ Քաղաքական կյանք ու միտք ունենալու դեպքում այս իշխանությունը վաղուց հրաժարական կտար․ այսօր Բաղրամյան պողոտայում օրվա ամփոփմանը ասել է «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը։
«Ասում եք՝ լեգիտիմ իշխանությու՞ն եք։ Ի՞նչն է լեգիտիմ։ Դուք խաբել եք մարդկանց, քվե գողացել։ Գողերի տեղը բանտում է՝ իմացեք»,- ասել է Բագրատ սրբազանը։
Նա անդրադարձել է վաղվա անելիքներին ու վերահաստատել՝ վաղը չափազանց կարևոր օր է։
«Վաղը ծանրակշիռ օր է լինելու՝ դրական ձեռքբերումներով։ Բոլորիդ ներկայությունը պարտադիր է»,- ասել է արքեպիսկոպոս Գալստանյանը։
