Հաթերքի գյուղապետ Վարդան Գրիգորյանն ազատ է արձակվել

Արցախի Մարտակերտի շրջանի Հաթերք գյուղի ղեկավար Վարդան Գրիգորյանն ազատ է արձակվել․ այս մասին հայտնում են ՄԻՊ գրասենյակից։

«Արդյունքում, պարզվել է, որ Վարդան Գրիգորյանն ազատ է արձակվել: Դեպքի հանգամանքների մանրամասները պարզելու նպատակով գրավոր պարզաբանում կպահանջվի նաև ՀՀ ազգային անվտանգության ծառայությունից»,- հայտնում են գրասենյակից։

Ավելի վաղ իրավապաշտպան Ռուբեն Մելիքյանը հայտնել էր Հաթերքի գյուղապետի ձերբակալման մասին՝ նշելով, որ 3 անչափահաս երեխաների ներկայությամբ քաշքելով՝ գյուղապետին մեքենայից հանել են և ձերբակալել։