Ուկրաինայի ԱԳ նախարար Դմիտրի Կուլեբան հանդիպել է Հայաստանի Անվտանգության խորհրդի քարտուղար Արմեն Գրիգորյանի հետ՝ շնորհակալություն հայտնելու Հայաստանին Խաղաղության համաշխարհային գագաթնաժողովին մասնակցելու համար, հայտնել են Ուկրաինայի ԱԳՆ-ից:
Կողմերը քննարկել են Եվրոպայում և Հարավային Կովկասում խաղաղության կարևորությունը, տարածաշրջանային անվտանգության մարտահրավերները և երկկողմ կապերի ամրապնդումը։ Քննարկվել է նաև տարածաշրջանում տեղի ունեցող իրադարձությունների դինամիկան:
«Ուկրաինան շահագրգռված է Հայաստանի հետ երկկողմ կապերի և փոխշահավետ համագործակցության ամրապնդմամբ», – նշել է Ուկրաինայի ԱԳ ղեկավարը:
