Ռուսաստանի հայերի միության նախագահ Արա Աբրահամյանն արձագանքել է ՀՀ իշխանությունների վերջին հայտարարություններին. «Խոսելով Հայաստանի անվտանգությանը սպառնացող երկու վտանգի մասին՝ Փաշինյանը մոռացել է նշել գլխավորը՝ իր կառավարությունը:
«Ո՛չ Ադրբեջանը, ո՛չ Ռուսաստանը, որի անունը վարչապետն անգամ չի արտասանում, ակնարկելով միայն «հյուսիսային հարևանին», իրենց ողջ ցանկությամբ, չէին կարող այնպիսի վնաս հասցնել Հայաստանի ու հայության անվտանգությանն ու հեղինակությանը, ինչպիսին հասցնում են Փաշինյանը և Արմեն Գրիգորյանն իրենց արարքներով ու հռետորաբանությամբ:
Եթե 2018-ին կեղծ խոստումների և մանիպուլյատիվ տեխնոլոգիաների շնորհիվ իշխանության չգային, ապա այսօր Արցախը կմնար հայկական, ինչպես եղել է հազարավոր տարիներ, և Ալիևը հրապարակայնորեն չէր նվաստացնի Փաշինյանին և հայ ժողովրդին, իսկ Արցախի ղեկավարներն ու ռազմագերիները չէին լինի Բաքվի բանտերում, և Հայաստանի ինքնիշխանության և նրա ճանաչված սահմանների հարցը քննարկման առարկա չէր լինի։
Հայաստանը մինչև 2018 թվականը եղել է միջազգային հարաբերությունների լիարժեք սուբյեկտ, համընդհանուր ճանաչված և հարգված պետություն, թեև ոչ առանց ներքաղաքական և սոցիալական որոշակի խնդիրների։
Այն, որ Արցախը անցել է Ադրբեջանի վերահսկողության տակ, տրամաբանական արդյունքն է Փաշինյանի թիմի քայլ առ քայլ գործողությունների և հայտարարությունների, ովքեր որոշել են լուրջ փորձագետների մասնակցությամբ և միջազգային մեխանիզմների կիրառմամբ երկարաժամկետ բանակցային գործընթացը զրոյացնել և սկսել, ինչպես իրենք են ասում, մաքուր էջից։ Արդյունքում՝ խախտվել է այն ժամանակ Արցախում շուրջ գոյություն ունեցող ստատուս քվոն, ինչը լիովին համապատասխանում է Ադրբեջանի շահերին։
Այսպես կոչված խաղաղության պայմանագիրը և նրա միջազգայնորեն ճանաչվաահմանների վերագծման «զրոյից» հերթական բանակցությունները Հայաստանի համար մեկուսացումից բացի այլ բան չեն կանխատեսում»:
Աբրահամանի խոսքով՝ ՀՀ անվտանգությանը հասցվում է վնաս՝ դաշնակիցների հետ հարաբերությունների ցուցադրական վատթարացմամբ, իսկ դրա դիմաց չկա ոչինչ՝ բացի աջակցության գեղեցիկ խոսքերից։
