Հայաստանում Ֆրանսիայի դեսպան Օլիվիե Դըկոտինյին X-ի իր միկրոբլոգում
գրառում է արել՝ մեջբերելով Ֆրանսիայի զինված ուժերի նախարար Սեբաստիեն Լըկորնյուի
խոսքերը։
«Անհրաժեշտ է Հայաստանին հնարավորություն տալ պաշտպանելու իր խաղաղ
բնակչությանը և ապահովելու իր սահմանների պաշտպանությունը։ Երկուշաբթի կպաշտոնականացնենք
Հայաստանի կողմից ֆրանսիական արտադրողներից որոշակի քանակությամբ սպառազինության ձեռքբերումը»,
– դեսպանի փոխանցմամբ՝ ասել է Ֆրանսիայի ԶՈՒ նախարարը։
Հիշեցնենք, որ երեկվանից աշխատանքային այցով Ֆրանսիա է մեկնել ՀՀ
պաշտպանության նախարար Սուրեն Պապիկյանը։
Ավելի վաղ ֆրանսիական կողմը տեղեկացրել էր Հայաստանին պաշտպանական
զենքեր վաճառելու պատրաստակամության մասին։
