Իսրայելը պահանջել է իր զինվորականներից լքել Ադրբեջանը և Վրաստանը․ ԶԼՄ-ներ

Իսրայելի բանակն արգելել է իր զորքերին մնալ Ադրբեջանում և Վրաստանում՝ «Իրանի կողմից հարձակման սպառնալիքների լույսի ներքո»։ ТАСС—ի փոխանցմամբ՝ այս մասին հայտնել է պետական Kan հեռուստառադիոընկերությունը։

Ըստ տեղեկությունների՝ բանակի ղեկավարության հրամանի համաձայն՝ զինվորական ծառայության մեջ գտնվող իսրայելցիները, ովքեր ինչ-ինչ պատճառներով այժմ գտնվում են Հարավային Կովկասի այս երկու հանրապետություններում, պարտավոր են անհապաղ վերադառնալ Իսրայել:

Kan -ը նշել է, որ Վրաստանն ու Ադրբեջանը գտնվում են Իրանի կողքին, նրանց տարածքում ապրում են իրանցիներ, իսկ Ադրբեջանն ընդհանուր սահման ունի իսլամական հանրապետության հետ։