Մեծ Բրիտանիայի արտաքին գործերի նախարար Դեյվիդ Լեմմին իր ֆրանսիացի գործընկերոջ հետ գտնվում է Իսրայելում՝ Գազայում հրադադար հաստատելու նպատակով․ հայտնում է BBC-ն։
Ավելի քան 10 տարվա մեջ Միացյալ Թագավորություն-Ֆրանսիա առաջին համատեղ այցի ընթացքում պաշտոնյաները հանդիպել են Իսրայելի արտաքին գործերի նախարար Իսրայել Կացի և Իսրայելի ռազմավարական հարցերով նախարար Ռոն Դերմերի հետ: Նրանք կայցելեն նաև Պաղեստինի օկուպացված տարածքներ։
Պաշտոնյաների այցը տեղի է ունենում այն ժամանակ, երբ Դոհայում սկսվել է Իսրայելի ու Պաղեստինի միջև հրադադարի շուրջ բանակցությունների նոր փուլ, իսկ ԱՄՆ-ի, Քաթարի և Եգիպտոսի բանակցողները հանդիպել են իսրայելական պատվիրակության հետ:
Հիշեցնենք, որ անցյալ ամիս Թեհրանում ՀԱՄԱՍ-ի առաջնորդ Իսմայիլ Հանիյեի սպանությունից հետո Իրանին մասնակցությամբ տարածաշրջանային մեծ պատերազմի մտավախություն է առաջացել:
