Առուշ Առուշանյանը հինգ տարի ժամկետով զրկվել է պետական պաշտոն զբաղեցնելու իրավունքից

Գորիսի համայնքապետ Առուշ Առուշանյանը հինգ տարի ժամկետով զրկվել է պետական պաշտոններ զբաղեցնելու իրավունքից․ ABC media–ի հետ զրույցում ասել է ՀՀ արդարադատության նախարարության խոսնակ Նորայր Շողիկյանը։

«Առուշանյանը հրավիրվել է Պրոբացիայի ծառայություն։ Նա 3 ակտ է ստացել․ առաջինը՝ տուգանվել է 700 000 ՀՀ դրամով, երկրորդը՝ պետք է անցնի մեկ տարի և վեց ամիս փորձաշրջան, ինչպես նաև 5 տարի չի կարող զբաղեցնել պետական պաշտոն»,- ասել է Շողիկյանը։

Նա նշել է, որ Առուշ Առուշանյանին ուղարկված ակտից կարելի է եզրակացնել, որ նա այլևս Գորիսի համայնքապետ չի կարող լինել։

Հարցին՝ արդեն դադարեցվե՞լ են լիազորությունները, թե՞ ոչ՝ խոսնակը չհստակեցրեց, միայն նշեց, որ ակտն արդեն ուժի մեջ է։