ՌԴ նախագահ Վլադիմիր Պուտինը հեռախոսազրույց է ունեցել Հայաստանի վարչապետ Նիկոլ Փաշինյանի հետ։ Զրույցի մասին հայտնում է Կրեմլի մամուլի ծառայությունը։
«Քննարկվել են հայ-ադրբեջանական հարաբերությունների կարգավորման շուրջ հարցերն՝ այդ թվում՝ հաշվի առնելով Վլադիմիր Պուտինի բանակցությունները Ադրբեջանի նախագահ Իլհամ Ալիևի հետ Բաքու կատարած պետական այցի ընթացքում։
Վերահաստատվել է ռուսական կողմի պատրաստակամություն՝ նպաստելու սահմանազատման գործընթացին, ինչպես նաև տրանսպորտային և լոգիստիկ կապերի ապաշրջափակմանը», – նշբել է ՌԴ նախագահի մամուլի ծառայության հաղորդագրության մեջ։ Պուտինի և Փաշինյանի զրույցի ընթացքում նշվել է Ռուսաստանի Դաշնության և Հայաստանի միջև առևտրատնտեսական փոխգործակցության դրական դինամիկան։
Ավելի վաղ Հայաստանի կառավարության մամուլի ծառայությունը հայտնել էր, որ զրուցակիցները պայմանավորվել են առաջիկա պատեհ առիթով հանդիպել Հայաստան-Ռուսաստան երկկողմ օրակարգի հարցեր քննարկելու համար։
