Իրանի արտաքին գործերի նախարար Աբբաս Արաղչին հայտարարել է, որ Իրանը կշարունակի բանակցությունները՝ վերացնելու պետության դեմ պատժամիջոցները: Այս մասին հայտնում է IRNA գործակալությունը:
«Մենք կշարունակենք Իրանի դեմ պատժամիջոցների վերացման հետ կապված բանակցությունները, և դրա հետ կապված ավելորդ շտապողականություն կամ ձգձգում չի լինի»,- լրագրողներին ասել է Արաղչին։
ԱԳ նախարարը նաև նշել է, որ դիվանագիտական դաշտն ընդլայնելու համար Իրանի նոր վարչակազմի համար առաջնահերթ են հարևան երկրները և Եվրասիան։
