Նագասակի պրեֆեկտուրայի հարավ-արևմուտքում գտնվող Դանջո կղզիների տարածքում չինական Y-9 ռազմական հետախուզական ինքնաթիռը խախտել է Ճապոնիայի օդային տարածքը․ այս մասին հայտնում է Ճապոնիայի արտաքին գործերի նախարարության մամուլի ծառայությունը։
«Ինքնապաշտպանության ուժերը պատասխանել են՝ արձակելով Արևմտյան օդային ինքնապաշտպանական ուժերի կործանիչներ և հրապարակելով ծանուցումներ ու նախազգուշացումներ», – ասված է հայտարարության մեջ:
Միջադեպի կապակցությամբ Տոկիոն բողոքի խիստ նոտա է հղել Պեկինին։
Ավելի վաղ Չինաստանը Ճապոնիային հայտնել էր հարաբերությունների կրիտիկական փուլի մասին։
