Ադրբեջանը պաշտոնապես հաստատել է, որ Հայաստանին հրավիրել են մասնակցելու այս տարի Բաքվում կայանալիք COP29-ին՝ ՄԱԿ կլիմայական փոփոխության համաժողովին։ ABC media-ն հարցում է ուղարկել ՀՀ արտաքին գործերի նախարարություն՝ ճշտելու՝ մասնակցության մասին որոշում կա՞ արդեն։
«Հայաստանի Հանրապետության միջազգային որևէ համաժողովին մասնակցության վերաբերյալ հանրային տեղեկատվությունը հրապարակվում է պատշաճ ժամկետներում»,- ասված է գերատեսչության պատասխանում։
Ավելի վաղ տեղեկություն էր տարածվել, որ COP29-ին Հայաստանի մասնակցել-չմասնակցելու մասին հարցին Նիկոլ Փաշինյանը կանդրադառնա օգոստոսին կայանալիք մամուլի ասուլիսի ընթացքում։ Օգոստոսին նախատեսված այս ասուլիսը, սակայն, տեղի չի ունեցել։
Հիշեցնենք՝ COP29-ը կայանալու է նոյեմբերի 11-ին։ Մասնակցելու են ներկայացուցիչներ՝ աշխարհի շուրջ 80 երկրից։
ABC media-ն անցնող օրերի ընթացքում ռեպորտաժների շարք էր պատրաստել համաժողովի՝ Բաքվում կայացնելու որոշումից, մինչև հնարավոր սպառնալիքներն ու օգուտները թեմաներով։ Ռեպորտաժները ներկայացնում ենք ստորև․
