Իրանի նախագահը Ռուսաստանում կմասնակցի BRICS-ի գագաթնաժողովին

Իրանի նախագահ Մասուդ Փեզեշքիանը կմասնակցի հոկտեմբերի 22-24-ին կմասնակցի ՌԴ Կազան քաղաքում կայանալիք BRICS-ի գագաթնաժողովին․ հայտնում է Tasnim-ը։ Սա կլինի BRICS-ի ընդլայնումից հետո անցկացված առաջին գագաթաժողովը։ Մասուդ Փեզեշքիանը միջոցառմանը կմասնակցի Կրեմլի պաշտոնական հրավերով։

Կազանում Իրանի հյուպատոս Դավուդ Միրզախանին հանդիպել է Թաթարստանի Հանրապետության նախագահի օգնականի հետ՝ գագաթաժողովի նախապատրաստման համար։

BRICS-ում այս տարի նախագահում է Ռուսաստանը։

Իրանը, Եգիպտոսը, Արաբական Միացյալ Էմիրությունները, Սաուդյան Արաբիան եւ Եթովպիան դարձել են կազմակերպության հինգ նոր անդամները։ Ավելի ուշ կառույցի անդամակցելու հայտ է ներկայացրել նաև Ադրբեջանը։

2006-ին հիմնադրված կազմակերպության առաջին անդամներն էին Բրազիլիան, Ռուսաստանը, Հնդկաստանը և Չինաստանը։