Մեծ Բրիտանիան լրացուցիչ 650 փոքր հեռահարության հրթիռներ կուղարկի Ուկրաինա․ գրում է BBC–ն։
Օգնության նոր փաթեթը ուղարկվում է այն ժամանակ, երբ Ուկրաինայի նախագահ Վլադիմիր Զելենսկին Գերմանիայում Ռամշտեյն ավիաբազայում տեղի ունեցած պաշտպանական գագաթնաժողովում դաշնակիցներին խնդրել է հետագա աջակցության մասին։
Զելենսկին լրագրողներին ասել է, որ իրենց ավելի շատ ռազմական օգնություն է անհրաժեշտ, հատկապես երկրի արևելյան՝ Դոնեցկի շրջանում:
Մեծ Բրիտանիայի պաշտպանության նախարար Ջոն Հիլին գագաթնաժողովից առաջ նշել է, որ Միացյալ Թագավորության նոր փաթեթը «կարևոր խթան կլինի» Ուկրաինայի հակաօդային պաշտպանության համար։
