Արտերկրից ՌԴ զենքի մատակարարման պնդումներն անհիմն են. Պեսկով
ՌԴ նախագահի մամուլի քարտուղար Դմիտրի Պեսկովը անհիմն է անվանել Մոսկվային արտասահմանից զենք մատակարարելու մասին ենթադրությունները։
«Մենք շատ ենք լսում Ռուսաստանի Դաշնություն ինչ-որ տեսակի զենքի մատակարարման մասին, դրանք բոլորն էլ հիմքեր չունեն»,- լրագրողներին հայտնել է Կրեմլի ներկայացուցիչը՝ մեկնաբանելով Իրանից Ռուսաստանի Դաշնություն մատակարարված հրթիռների մասին ԱՄՆ պետքարտուղար Էնթոնի Բլինքենի պնդումները։
«Մենք զարգացնում ենք մեր հարաբերությունները մի շարք պետությունների հետ, համագործակցում ենք տարբեր ոլորտներում և կշարունակենք այդ համագործակցությունը՝ ելնելով մեր երկրների շահերից»,- ընդգծել է Պեսկովը։
Նրա խոսքով՝ ՌԴ Զինված ուժերն ունեն բոլոր անհրաժեշտ միջոցները հատուկ ռազմական գործողությունը շարունակելու համար:
