Ռուսաստանի Դաշնության և Իրանի միջև ռազմատեխնիկական համագործակցությունը չի վերաբերում ԱՄՆ-ին, նրանք չպետք է քիթը խոթեն ուրիշների գործերի մեջ. Այս մասին BRICS-ի ԶԼՄ-ների յոթերորդ գագաթնաժողովի շրջանակում լրագրողներին ասել է Ռուսաստանի փոխարտգործնախարար Սերգեյ Ռյաբկովը։
«Ամերիկան ցանկանում է խռովություն գցել մեր երկրների միջև և խաղալ իր շահերից ելնելով»,- ընդգծեց փոխնախարարը՝ պատասխանելով այն հարցին, թե ինչի է փորձում հասնել Վաշինգտոնը»։
Նա հավելել է, որ Մոսկվայի և Թեհրանի հարաբերությունները զարգանում են մի շարք ոլորտներում։ «Կա նաև ռազմատեխնիկական համագործակցություն, դա ոչ ոք չի ժխտում, բայց ԱՄՆ-ի գործը չէ, որ խառնվի և քիթը խոթի ուրիշների հարցերին»,- եզրափակել է Ռյաբկովը։
ՄԱԿ-ում Ռուսաստանի Դաշնության մշտական ներկայացուցիչ Վասիլի Նեբենզյան սեպտեմբերի 13-ին Անվտանգության խորհրդի նիստում Իրանի կողմից Ռուսաստանին բալիստիկ հրթիռներ մատակարարելու մասին Արևմուտքի պնդումները անհիմն ակնարկներ է անվանել։ Նրա խոսքով, դրանք ներկայացվում են Կիևի արևմտյան դաշնակիցների կողմից, որպեսզի պատրվակ ստեղծեն Ուկրաինայի վերաբերյալ որոշում կայացնելու՝ իրենց զենքերով հարվածներ հասցնելու Ռուսաստանի տարածքին։
Մոսկվան և Թեհրանը բազմիցս մերժել են Ուկրաինայում կիրառվող իրանական զենքի ռուսական մատակարարումների վարկածները։ Իսլամական Հանրապետության արտաքին գործերի նախարար Աբբաս Արաղչին սեպտեմբերի 11-ին հայտարարել է, որ Իրանը Ռուսաստանին ոչ մի բալիստիկ հրթիռ չի մատակարարել, և որ ԱՄՆ-ն ու Եվրոպան հիմնվում են կեղծ տեղեկատվության վրա:
