Միջերկրական ծովի արևելյան հատվածում տեղակայված ԱՄՆ ռազմածովային ուժերի կործանիչները իրանական բալիստիկ հրթիռներ են որսացել. գրում է CNN-ը՝ հղում անելով ԱՄՆ պաշտպանության նախարարության պաշտոնյային:
Միջերկրական ծովի արևելյան հատվածում ԱՄՆ-ն ներկայումս ունի կառավարվող հրթիռների երեք կործանիչ՝ USS Arleigh Burke, USS Cole և USS Bulkeley:
Ամերիկյան կործանիչները նաև գործարկվել էին ապրիլի 13-ին՝ Իսրայելի ուղղությամբ բալիստիկ հրթիռներով և անօդաչու թռչող սարքերով իրանական հարվածի ժամանակ՝ խոցելով մի քանի հրթիռ։
