Դեռևս Երկրորդ Համաշախարհային պատերազմից ճապոնական օդանավակայանում թաղված ամերիկյան չպայթած ռումբը պայթել է՝ ճանապարհին մեծ խոռոչ առաջացնելով և դառնալով ավելի քան 80 թռիչքի չեղյալ հայտարարվելու պատճառ։
Ճապոնիայի հարավ-արևմուտքում գտնվող Միյաձակի օդանավակայանում ռումբի պայթյունից ոչ ոք չի տուժել, մոտակայքում ոչ մի ինքնաթիռ չի եղել:
Ոստիկանության հետաքննությունը հաստատել է, որ պայթյունը տեղի է ունեցել 500 ֆունտանոց ամերիկյան ռումբի հետևանքով: Պատճառները պարզվում են։
Մոտակայքում գտնվող ավիացիոն դպրոցի կողմից նկարահանված տեսանյութում երևում է, թե ինչպես է պայթյունը շատրվանի պես ասֆալտի կտորներ նետում օդ։ Ճապոնական հեռուստատեսությամբ հեռարձակված տեսանյութերը ցույց են տվել, որ երթևեկելի հատվածում առաջացել է 7 մետր տրամագծով և 1 մետր (3 ոտնաչափ) խորությամբ խոռոչ:
Կառավարության գլխավոր քարտուղար Յոշիմասա Հայաշին հայտնել է է, որ չորեքշաբթի կեսօրին օդանավակայանում ավելի քան 80 չվերթ է չեղարկվել:
Օդանավակայանից նշել են, որ ճանապարհի վնասը վերականգնվել է գիշերվա ընթացքում, և թռիչքները վերսկսվել են հինգշաբթի առավոտյան:
Միյաձակիի օդանավակայանը կառուցվել է 1943 թվականին՝ որպես նախկին Կայսերական Ճապոնիայի ռազմածովային ուժերի թռիչքային ուսումնական դաշտ, որտեղից որոշ օդաչուներ ներառվել են մահապարտների առաքելություններում:
Պաշտպանության նախարարության ներկայացուցիչները հայտնել են, որ այդ տարածքում հայտնաբերվել են մի շարք չպայթած ռումբեր, որոնք ԱՄՆ զինվորականները նետել են Երկրորդ համաշխարհային պատերազմի ժամանակ:
