«Հզբոլլահի» նոր ղեկավար Հաշեմ Սաֆի ադ-Դինը զոհվել է իսրայելեկան հարվածից

«Հզբոլլահի» առաջնորդի պաշտոնում Հասան Նասրալլայի իրավահաջորդ Հաշեմ Սաֆի ադ-Դինը սպանվել է ՑԱԽԱԼ-ի հարվածի հետևանքով հոկտեմբերի 4-ին․ այս մասին հայտնում է Al Arabiya-ն։

Նշվում է, որ Սաֆի ադ-Դինը զոհվել է Բեյրութում։ ՑԱԽԱԼ-ը հարվածել է այն բունկերին, որտեղ եղել են Սաֆի ադ-Դինը իր օգնականների ու «Հզբոլլահի» այլ հրամանատարների հետ։

Ավելի վաղ Reuters գործակալությունը, վկայակոչելով Լիբանանի անվտանգության ուժերի աղբյուրները, հայտնել էր, որ Հաշեմ Սաֆի ադ-Դինի հետ կապը կորել էր հոկտեմբերի 4-ից, երբ Իսրայելի ռազմաօդային ուժերը հարվածներ են հասցրել Բեյրութին։