Իսրայելը, ի պատասխան Իրանի հրթիռային հարձակումների, կարող է հարվածել ռազմական բազաներին, հետախուզական օբյեկտներին կամ հրամանատարական կետերին, բայց ոչ միջուկային օբյեկտներին։ Այս մասին հայտնում է The New York Times-ը (NYT)՝ հղում անելով իր աղբյուրներին։
Աղբյուրները նշում են, որ ապագայում Իրանի առանցքային միջուկային օբյեկտները կարող են թիրախ դառնալ, եթե Թեհրանը շարունակի էսկալացիան և պատասխանի: Այնուամենայնիվ, հրատարակությունը հավելում է, որ Իսրայելում և ԱՄՆ-ում ավելանում են կոչերը՝ օգտագործել ներկայիս պահը՝ երկար տարիներ հետաձգելու Իրանի միջուկային ծրագիրը։
