ԱՄՆ նախագահ Ջո Բայդենն այցելել է Ֆլորիդա՝ «Միլթոն» փոթորկի հետևանքով տուժած շրջաններ, հայտարարելով ավելի քան 600 միլիոն դոլար նոր աջակցության մասին։ Գումարը ուղղվելու է էներգետիկ համակարգի վերականագնմանը։
«Այս ֆինանսավորման արդյունքում ոչ միայն կվերականգնվի էլեկտրամատակարարումը, այլև տարածաշրջանի էներգահամակարգը կդառնա ավելի ուժեղ՝ պակասեցնելով էլեկտրաէներգիայի անջատումների հաճախականությունն ու տևողությունը եղանակային վատ պայմաններում»,- հայտարարել է Բայդենը:
Հիշեցնենք, որ մի քանի օրվա տարբերությամբ ԱՄՆ-ի մի քանի նահանգներում «Հելեն» և «Միլթոն» փոթորիկներ մեծ վնասներ էին հասցրել տեղի բնակչությանը։
