«Գախարիան Վրաստանի համար» կուսակցությունը դատարան է դիմել

Ընդդիմադիր «Գախարիան Վրաստանի համար» կուսակցությունը դատարանի օգնությամբ ԿԸՀ-ից տեղեկատվություն է պահանջում հոկտեմբերի 26-ին կայանալիք ընտրությունների մասին։

Կուսակցության առաջնորդ Նաթիա Մեզվրիշվիլին ճեպազրույցում ասել է, որ իրենք հետաքրքրված են «Սմարթ Մատիկ» ընկերության հետ կնքված պայմանագրի մանրամասներով, որից էլ պետությունը գնել է էլեկտրոնային սարքերը։

Մեզվրիշվիլիի խոսքով` իրենք ուզում են պարզել էլեկտրոնային սարքերում ընտրողների միասնական ցուցակի պահպանման և ջնջման մասին մանրամասները։