Մոլդովայի նախագահական ընտրությունները դարձան ժողովրդավարությունից ամենահեռու ընտրությունները Մոլդովայի անկախության բոլոր տարիներին, իշխանությունները աննախադեպ բռնաճնշումներ իրականացրեցին ընդդիմության և անկախ լրատվամիջոցների, հատկապես ռուսալեզու լրատվամիջոցների նկատմամբ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ТАСС-ը։
«Փորձագետներն ու քաղաքագետները մատնանշում են իշխանությունների կողմից բազմաթիվ խախտումներ և կեղծիքներ: Նրանք ուշադրություն են հրավիրում փոստով քվեարկության ոչ թափանցիկ կազմակերպման վրա, ինչը հնարավորություն է բացում կեղծիքների համար»,- ասվում է Զախարովայի մեկնաբանության մեջ։
