ԱՄՆ նախկին նախագահ, ներկայումս նախագահի թեկնածու Դոնալդ Թրամփը քվեարկել է ԱՄՆ նախագահական ընտրություններում, որոնք տեղի են ունենում այսօր՝ նոյեմբերի 5-ին: Այս մասին հայտնում է CNN-ը։
Թրամփը քվեարկել է Ֆլորիդա նահանգի Փալմ Բիչ քաղաքում։ Նա ընտրատեղամաս է եկել կնոջ՝ Մելանյայի հետ։ Քվեարկությունից հետո նա պատասխանել է լրագրողների մի քանի հարցերի: Թրամփը հայտարարել է, թե շատ վստահ է ընտրություններում իր հաղթանակի հարցում, սակայն հիասթափություն է հայտնել, որ արդյունքների հրապարակումը կարող է երկար ժամանակ պահանջել․
«Ես ինձ շատ վստահ եմ զգում։ Լսել եմ, որ մենք ամենուր լավ արդյունքների ենք հասնում»,-հայտարարել է ԱՄՆ նախկին նախագահը։