ԱՄՆ-ն կարող է նպաստել Ուկրաինայում հակամարտության կարգավորմանը․ Պեսկով
ԱՄՆ-ը, որը ուկրաինական հակամարտության մասնակից է, կարող է նպաստել, որ Ուկրաինայում հակամարտությանը վերջ տրվի, բայց կվարվի այդպես, թե ոչ, պարզ կդառնա 2025 թվականի հունվարից հետո, երբ ԱՄՆ նոր նախագահը կստանձնի պաշտոնը։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ТАСС գործակալությունը։
«Մենք բազմիցս ասել ենք, որ ԱՄՆ-ն կարող է նպաստել, որ վերջ տրվի այս հակամարտությանը, բայց դա, իհարկե, անհնար է անել մեկ գիշերում։ Ու քանի որ հենց ԱՄՆ-ն է այն պետությունը, որը հրահրում և անընդհատ նավթ է լցնում այս հակամարտության կրակին և անմիջականորեն ներգրավված է դրանում, ուրեմն, այո, նա ի վիճակի է փոխել իր արտաքին քաղաքականության այդ ուղղությունը, բայց կանի՞ արդյոք դա և ինչպես կանի, կտեսնենք՝ հունվարից հետո»,- ասել է Պեսկովը։
