Թուրքիայում 5 մագնիտուդ ուժգնությամբ երկրաշարժ է տեղի ունեցել

Թուրքիայի արևելյան Էլյազըղ նահանգում, 5 մագնիտուդ ուժգնությամբ երկրաշարժ է տեղի ունեցել, տեղական ժամանակով 17:04-ին (Երևանի ժամանակով 18:04-ին):

Երկրաշարժի օջախը գտնվել է 16 կմ խորության վրա, իսկ ցնցումներն զգացվել են նաև հարևան շրջաններում։ Հնարավոր ավերածությունների, տուժածների կամ մահացածների մասին տեղեկություն դեռևս չի հաղորդվում։

Նշվում է թուրքական բնակավայրերում խուճապի տարածման մասին․ բնակիչները զանգվածաբար լքել են իրենց տները։