Առանձին շրջաններում սպասվում են տեղումներ, լեռնային շրջաններում՝ ձյուն

Հայաստանի Հանրապետության տարածքում այսօր և վաղը ցերեկը սպասվում է առանց տեղումների եղանակ։ Վաղը կեսօրից հետո և նոյեմբերի 12-ի գիշերն առանձին շրջաններում սպասվում են տեղումներ, լեռնային շրջաններում՝ ձյուն․ այս մասին հայտում է ՀՀ ՇՄՆ Հիդրոօդերևութաբանության և մոնիտորինգի կենտրոնը։

Հաղորդագրության համաձայն` քամին կլինի հյուսիսարևմտյան` 2-5 մ/վ արագությամբ։ Օդի ջերմաստիճանը նոյեմբերի 11-12-ին հատկապես գիշերային ժամերին կբարձրանա 3-5 աստիճանով։

Երևան քաղաքում նույնպես այսօր սպասվում է առանց տեղումների եղանակ։ Նոյեմբերի 11- ի ցերեկը և երեկոյան ժամերին, 12-ի գիշերը հնարավոր է կարճատև անձրև։