Լեհաստանի նախագահը հրաժարվել է COP29-ի շրջանակում Լուկաշենկոյի ներկայությամբ համատեղ լուսանկարից

Լեհաստանի նախագահ Անջեյ Դուդան հրաժարվել է համատեղ լուսանկարվել Բաքվում ընթացող COP29 կլիմայական համաժողովի շրջանակում. պատճառը եղել է Բելառուսի նախագահ Ալեքսանդր Լուկաշենկոյի ներկայությունը․ գրում է Interia պորտալը՝ հղում տալով Լեհաստանի նախագահի մերձավոր շրջապատին:

«Սա պարոն նախագահի գիտակցված որոշումն էր։ Family photo-ն ընտանեկան լուսանկար է, պարոն նախագահը որոշել է, որ չի ցանկանում ընտանեկան լուսանկար ունենալ Ալեքսանդր Լուկաշենկոյի հետ», – ասել է պորտալի զրուցակիցը։