Ուկրաինային աջակցելու հարցում «կարմիր գծեր» չկան․ Ֆրանսիայի արտգործնախարար
Ուկրաինային աջակցելու հարցում «կարմիր գծեր» չկան․ այս մասին BBC-ին տված հարցազրույցում հայտարարել է Ֆրանսիայի արտգործնախարար Ժան-Նոել Բարրոն։
Դիվանագետի խոսքով՝ եվրոպական անվտանգությունը կախված է Կիևին ցուցաբերվող օգնությունից։
«Ամեն անգամ, երբ ռուսական բանակը մեկ քառակուսի կիլոմետր առաջ է շարժվում, սպառնալիքը մեկ քառակուսի կիլոմետրով մոտենում է Եվրոպային»,- ասել է նախարարը։
Միևնույն ժամանակ, Ֆրանսիայի արտգործնախարարը չի հաստատել, որ ֆրանսիական հրթիռները օգտագործվել են ռուսական տարածքի վրա հարձակվելու համար։ Հարցին, թե արդյոք Ֆրանսիան կարող է իր զորքերը ուղարկել ուկրաինական հակամարտության գոտի, դիվանագետը պատասխանել է, որ Փարիզը չի բացառում որևէ տարբերակ։
