Արամ Ա կաթողիկոսը առաջիկա կիրակին Արցախի զորակցության օր է հայտարարել
Ն.Ս.Օ.Տ.Տ. Արամ Ա. Վեհափառ Հայրապետը առցանց
հանդիպում է ունեցել Մեծի Տանն Կիլիկիո Կաթողիկոսության
թեմակալ առաջնորդների հետ: Այս մասին տեղեկացնում են Կիլիկիո կաթողիկոսարանից:
Հանդիպման օրակարգի գլխավոր հարցը Արցախի
ժողովրդին զորակցությունն էր:
«Նորին Ս. Օծությունը թելադրել է առաջնորդներին
և թեմի իշխանություններին․
Ա) Առաջիկայ Կիրակի, 1 Հոկտեմբերը նկատել
Արցախի զօրակցության օր՝ հոգեհանգիստ կատարելով Արցախի նահատակների հոգիների, ինչպես
նաև աղոթել հիվանդների շուտափույթ ապաքինման և ընդհանրապես տագնապի մեջ գտնվող մեր
զավակների բարօրութեան համար:
Բ) Գործնապես մասնակից դառնալ ի խնդիր Արցախի
մեր ժողովրդին անվտանգության և իրավունքների պաշտպանության տեղի ունենալիք ցոյցերի
և հրապարակային այլ նախաձեռնություններին:
Գ) Օժանդակել Արցախի մեր զավակներին ընկերային-տնտեսական
կարիքներին՝ թէ՛ Արցախի և թե Հայաստանի մեջ», – ասված է հաղորդագրության մեջ:
