Ֆրանսիայի կառավարության տապալումն անխուսափել է թվում. Politico
Ֆրանսիայի վարչապետ Միշել Բարնիեի պաշտոնավարմանը չափազանց կարճ ժամանակ է մնացել, և դա անխուսափելի է թվում, գրել է Politico-ն: Բարնիեի կառավարությունն անվստահության քվե է ստանում:
Լարվածությունը գագաթնակետին է հասել երկրի խորհրդարանում քվեարկությամբ, որը կարող է ֆինանսական ճգնաժամ առաջացնել եվրոգոտու մեծությամբ երկրորդ տնտեսության համար և վախի ալիքներ՝ դաշինքի շուրջ: Ֆրանսիայի վարչապետը պայքարում է անհանգիստ շուկաները հանգստացնելու և բյուջե ընդունելու համար, որը կլցնի Ֆրանսիայի ֆինանսների սև խոռոչը, սակայն այդ ջանքերն այժմ կարող են ապարդյուն լինել:
Բրեքսիթի հարցով ԵՄ-ի նախկին գլխավոր բանակցող Բարնյեն վիճելի սահմանադրական մանևր է կիրառել՝ շրջանցելու խորհրդարանը և պարտադրելու սոցիալական ապահովության ֆինանսավորման օրինագիծը: Ի պատասխան՝ ձախակողմյան ընդդիմությունն անվստահություն հայտնելու առաջարկ է ներկայացրել, որը քվեարկության կդրվի չորեքշաբթի կամ հինգշաբթի։
Ընդդիմադիր ուժերը, ներառյալ ձախակողմյան «Նոր ժողովրդական ճակատ» կոալիցիան և ծայրահեղ աջ «Ազգային հանրահավաքը», նախազգուշացրել են, որ քվեարկելու են կառավարության տապալման օգտին:
«Բավական է ֆրանսիացիներին վատ վերաբերվել… մենք չենք կարող ամեն ինչ թողնել այնպես, ինչպես որ կա», – լրագրողներին ասել է Ազգային հանրահավաքի առաջնորդ Մարին Լը Պենը, երբ նա հայտարարել է, որ իր կուսակցությունը կքվեարկի Բարնիեի կառավարությունը տապալելու օգտին:
Եթե խորհրդարանն իսկապես հեռացնի Բարնիեին, դա կլինի առաջին դեպքը, երբ ֆրանսիական կառավարությունը 1962 թվականից ի վեր կստանա անվստահության քվե:
