«Վրացական երազանքը» հերքել է կուսակցության նախագահ Ղարիբաշվիլիի հրաժարականի մասին լուրերը
Վրաստանի իշխող կուսակցությունից հերքել են «Վրացական երազանքի» նախագահ, նախկին վարչապետ Իրակլի Ղարիբաշվիլիի հրաժարականի մասին լուրերը։ Այս մասին հաղորդում է «Մթավարի արխի» հեռուստաընկերությունը:
«Մի’ հորինեք. ձեր տեղեկատվությունը սխալ է, այդ հարցը նույնիսկ չի քննարկվում», – հեռուստաընկերությանն ասել է կուսակցության անդամ Գիա Վոլսկին։
Ավելի վաղ հեռուստաընկերությունը, հղում անելով իր աղբյուրներին, հայտնել էր, թե իբր Իրակլի Ղարիբաշվիլին լքել է «Վրացական երազանքը»:
