Մոսկվայում Սիրիայի դեսպանը Ասադի Ռուսաստան մեկնելը «խայտառակ փախուստ» է անվանել
Մոսկվայում Սիրիայի դեսպան Բաշար ալ Ջաֆարին Սիրիայի նախագահ Բաշար Ասադի՝ Ռուսաստան մեկնելը «խայտառակ փախուստ» է անվանել․ տեղեկանում ենք RT-ի արաբալեզու ծառայությունից։
«Խայտառակ և նվաստացուցիչ փախուստը, առանց երկրի առջև ազգային պատասխանատվության որևէ զգացողության, հաստատում է տեղի ունեցած փոփոխությունների անհրաժեշտությունը և ավելի լավ ապագայի հույս է արթնացնում»,-ասել է դիվանագետը։
