ԱՄՆ պատժամիջոցների տակ գտնվող ռուսական նավ է խորտակվել շարժիչի հատվածում պայթյունի պատճառով

Ռուսական Ursa Major բեռնատար նավը խորտակվել է Միջերկրական ծովում շարժիչի հատվածում տեղի ունեցած պայթյունի հետևանքով, հայտնում է BBC-ն՝ հղում անելով Ռուսաստանի արտաքին գործերի նախարարությանը:

Անձնակազմի 14 անդամները փրկվել են և տեղափոխվել իսպանական Կարթագենա նավահանգիստ. ևս երկուսն անհետ կորել են:

Ռուսական Interfax լրատվական գործակալության փոխանցմամբ՝ Ursa Major նավը 12 օր առաջ լքել է Սանկտ Պետերբուրգի նավահանգիստը։

Հայտնի չէ, թե որն է եղել պայթյունի պատճառը։ 2022 թվականին Ուկրաինա Ռուսաստանի լայնամասշտաբ ներխուժումից հետո նավը հայտնվել էր ԱՄՆ պատժամիջոցների տակ։

Պատժամիջոցների կիրառման պատճառն այն էր, որ նավի սեփականատերը բեռներ էր առաքում ռուսական բանակին։