Կիևը հրթիռակոծվել է, կան տասնյակ տուժածներ

Գիշերը բալիստիկ հրթիռներ են արձակվել Ուկրաինայի մայրաքաղաք Կիևի
ուղղությամբ, կան տասնյակ տուժածներ․  տեղեկությունը հաստատել է Կիևի
քաղաքապետ Վիտալի Կլիչկոն։

Ուկրաինական լրատվամիջոցները տեղեկացրել են մայրաքաղաքում գրանցված
տասնյակ պայթյունների մասին՝ նշելով, որ վնասվել են բնակելի շենքեր։

Մայրաքաղաքում, Կիևի և Չեռնիգովի մարզերում օդային տագնապ է հայտարարվել։

Կլիչկոյի հաղորդմամբ՝ մայրաքաղաքի տարբեր թաղամասերում բնակելի
բազմաբնակարան շենքեր, սեփական տներ ու ավտոմեքենաներ են վնասվել, իսկ որոշ հատվածներում
հրդեհներ են բռնկվել։

Տուժել է 34 մարդ, այդ թվում՝ երեխաներ։