Ռուսաստանը Ֆրանսիայից առաջարկներ է ստացել ուկրաինական հակամարտության շուրջ երկխոսություն սկսելու վերաբերյալ՝ առանց Կիևի մասնակցության․ Լավրով
Ռուսաստանը Ֆրանսիայից առաջարկներ է ստացել ուկրաինական հակամարտության շուրջ երկխոսություն սկսելու վերաբերյալ՝ առանց Կիևի մասնակցության։ Այս մասին ռուսական և արտասահմանյան լրատվամիջոցներին տված հարցազրույցում հայտարարել է ՌԴ արտգործնախարար Սերգեյ Լավրովը, գրում է РИА Новости գործակալությունը:
«Մի քանի անգամ փակ խողովակներով մեր ֆրանսիացի գործընկերների կողմից հնչել են կոչեր: «Եկեք օգնենք, երկխոսություն հաստատենք ուկրաինական հարցի շուրջ», ի դեպ, առանց Ուկրաինայի»,- ասել է Լավրովը
Լավրովը նաև նշել է, որ նման ազդակները Փարիզից ստացվել են, ասես խախտելով արևմտյան կանոնը՝ «Ուկրաինայի մասին ոչ մի խոսք առանց Ուկրաինայի»։
«Միևնույն ժամանակ Ֆրանսիան նաև հանդես է գալիս որպես Ուկրաինա խաղաղապահներ ուղարկելու նախաձեռնող, իր մոտ պատրաստում է ուկրաինացի զինվորների»,-հիշեցրել է Լավրովը:
