Լուկաշենկոյի մամուլի խոսնակը հերքում է Զելենսկու հայտարարությունը ներողության վերաբերյալ
Բելառուսի նախագահի մամուլի քարտուղար Նատալյա Էյսմոնտը հերքել է Ուկրաինայի նախագահ Վլադիմիր Զելենսկու պնդումները, թե հատուկ ռազմական գործողության մեկնարկից հետո Ալեքսանդր Լուկաշենկոն հեռախոսազրույցում ներողություն է խնդրել իրենից:
«Բելառուսի նախագահը ներողություն չի խնդրել Զելենսկուց, քանի որ մենք դրա կարիքը պարզապես չունենք», – հայտարարել է Էյսմոնտը՝ РБК-ի փոխանցմամբ:
Զելենսկին, ամերիկացի բլոգեր Լեքս Ֆրիդմանին տված հարցազրույցում, ասել էր, որ 2022 թվականի փետրվարին Լուկաշենկոն հեռախոսազրույցում ներողություն է խնդրել և նշել, թե ինքը կապ չունի հատուկ ռազմական գործողության հետ:
Էյսմոնտն ընդգծել է, որ հենց Կիևի վարչակարգն էր, որ առաջինը պատժամիջոցներ կիրառեց Մինսկի դեմ՝ նույնիսկ արևմտյան երկրների նախահաշվից առաջ անցնելով:
