Խաղաղապահները անում են հնարավորը՝ ԼՂ խաղաղ բնակչությանը պաշտպանելու համար․ Պուտին

ՌԴ նախագահ Վլադիմիր Պուտինը հայտարարել է, որ ռուս խաղաղապահները
անում են հնարավորը՝ Արցախի քաղաքացիական բնակչությանը պաշտպանելու համար։

Պուտինն առաջին անգամ է անդրադարձել Արցախում Ադրբեջանի իրականացրած
ագրեսիային։

«Մենք մշտական շփման մեջ ենք Երևանի իշխանությունների,
Ստեփանակերտի ու Բաքվի հետ։ Հույս ունենք՝ կկարողանանք դեէսկալացիայի հասնել ու խնդիրները
կլուծվեն խաղաղ ճանապարհով»,-ասել է Պուտինը։

Ավելի վաղ ՌԴ նախագահի մամուլի խոսնակ Դմիտրի Պեսկովը հայտարարել
էր, թե Մոսկվան հույս ունի կարճ ժամկետում կազմակերպել Պուտին-Փաշինյան հեռախոսազրույցը։